“Хойд бүс-Эрдэнэт 2025” эдийн засгийн форумын үеэр аймгийн Засаг дарга Б.Зоригтбаяр их дээд, сургуулиудтай хамтын ажиллагааны санамж бичиг үзэглэлээ. 

• ШУТИС-тай боловсрол, хүний нөөц, боловсон хүчнийг бэлтгэх, төрийн албан хаагчид багш, судлаачдыг солилцох, чадавхжуулах, судалгаа инновац, техник технологи цахим шилжилтийн чиглэлээр хамтран ажиллах, 
•  АШУҮИС-тай биотехнологийн чиглэлд лабораторийн суурь бааз байгуулж, хүний нөөц бэлтгэх, хамтарсан судалгаа, эрдэм шинжилгээний бүтээл хийх, эрдэм шинжилгээний хурлыг хамтран зохион байгуулах, 
•  ХААИС-тай Монгол Улсын Ерөнхийлөгчийн санаачилсан "Хүнсний хувьсгал", "Тэрбум мод" үндэсний хөдөлгөөн, Засгийн газрын "Шинэ хоршоо" хөдөлгөөний зорилтуудыг хэрэгжүүлэхэд хамтран ажиллана. 

Мөн хүний нөөц бэлтгэх, мэргэжил дээшлүүлэх, эрчимжсэн мал, амьтны аж ахуйг хөгжүүлэх, газар тарилангийн салбарт дэвшилтэт техник технологийг нэвтрүүлэх, жижиг дунд үйлдвэрлэлийг хөгжүүлэхээр санамж бичигт тусгалаа.