“Цэвэр агаартай хот” төслийн хүрээнд инженерийн дэд бүтцийн шугам сүлжээ, авто замыг засварлах, өргөтгөх, шинээр дөрвөн байршилд болон дахин төлөвлөсөн байршлуудад орон сууц барих, гэр хорооллын нүүрсний хэрэглээг тэглэх зэрэг томоохон зорилтуудыг дэвшүүлжээ. Төслийн танилцуулгыг Эрдэнэт хотын захирагч Б.Мөнхдалай танилцуулсан. Эрдэнэт  агаарыг бохирдуулагч гол эх үүсвэрүүд нь юу вэ, тэдгээрийг шийдэх шийдэл нь юу вэ гэдэгт хариулт олж, хамтдаа хэлэлцэх нь илтгэлийн гол санаа байв. 

Эрдэнэт хотын агаар бохирдуулагч гол эх үүсвэр нь ....
•    гэр хорооллын утаа, 
•    зам талбайн тоос, 
•    авто машины утаа, 
•    хог хаягдал, цагаан тоос,
•    ЭДЦС-ын Үнсэн сан, 

Тухайлбал, “Тэг хаягдал- цэвэр агаар” үйл ажиллагааны хүрээнд хог хаягдлаа дахин ашиглах, ангилах, багасгах арга хэмжээг хэрэгжүүлнэ. Олон улс хэдийн энэ чиглэл рүү орсон ч бид байгальдаа хаясан хэвээр. Тиймээс төслийн хүрээнд зөв, дадал ойлголтоос эхлээд ангилах, татах, дахин боловсруулах ажлуудыг зохион байгуулахаар төлөвлөжээ. 
“Цэвэр агаартай хот” төслийн нэг зорилго нь гэр хорооллын нүүрсний хэрэглээг тэглэх. Ингэхдээ гэр хорооллын айл өрхүүдэд дулааны насосын халаалтын шийдлийг нэвтрүүлэхээр төлөвлөж байна.  

Мөн орон сууц, хувийн сүүцуудаа дулаалж, дулааны алдагдалгүй болсноор эрчим хүчийг хэмнэнэ. Орон сууцны гадна фасадыг дулаалахад эрчим хүчийг 20 хувиар хэмнэнэ. Энэ чиглэлээр Эрдэнэтийн Шинжлэх ухаан технологийн парктай хамтарч “Эко хавтан” компани дулаан тусгаарлагч хавтангийн туршилтын үйлдвэрлэл явуулж байна. Энэ нь дулаан тусгаарлахаас гадна орон сууцуудын өнгө үзэмж сэргэнэ. Үүнээс гадна ногоон байгууламжгүйгээр цэвэр агаарын талаар ярих боломжгүй. Тиймээс орон сууц болон гэр хорооллын ногоон байгууламжийг нэмэгдүүлэхээ "Хойд бүс-Эрдэнэт 2025" эдийн засгийн форумын  үеэр танилцууллаа.   

Эрдэмтэн,  судлаачдын  санал шүүмжээс..

 АШУҮИС-ийн Био анагаахын хүрээлэнгийн захирал доктор, дэд профессор Ч.Баттогтох:

Хүн амьдралынхаа 90 гаруй хувийг өнгөрүүлж байгаа дотоод орчны агаарын бохирдолд анхаарлаа хандуулахгүй бол агаар дуслын замаар халдварт өвчин дамжих, суралцах чадвар, ажлын бүтээмж буурах зэрэг олон сөрөг талтай  байна. Дотоод орчны агаарын бохирдлыг сайжруулах чиглэлээр үйл ажиллагаандаа тусгаарай гэсэн санал байна. 

“Өнгө нэм” ТББ-ын тэргүүн Н.Амгалан-Эрдэнэ:

-Нийгмийн хамгийн том асуудал хог хаягдал болсон. Хог хаяглын менежментээ том агуулгаар нь харж төлөвлөөрэй гэж хэлмээр байна. 

ШУТИС-ийн Эрдэм шинжилгээ, технологи хөгжүүлэлтийн албаны дарга Ц.Цоггэрэл: 
-Барилга байшин төлөвлөхдөө газар хөдлөлийн нөлөөллийг авч үзэх шаардлагатай. Шинээр болон дахин төлөвлөж байгаа орон сууцны хороолол уул уурхайн бүстэй ойрхон байгаа. Ялангуяа шинэ барилгууд. Уурхайгаас үүсэж байгаа чичирхийллийг сайн судалж дараагийн төлөвлөлтөө хийхийг зөвлөж байна. 

Мэдээллийн төв