Нэг. Сонгон шалгаруулах үндэслэл зорилго:
Монгол Улсын Засгийн газрын 2023 оны 86 дугаар “Нийтлэг журам батлах тухай” тогтоол, Орхон аймгийн иргэдийн Төлөөлөгчдийн Хурлын 2025 оны 02/21 дүгээр тогтоолоор баталсан “Хот байгуулалт, барилга захиалагчийн алба” УТҮГ-ын дүрмийг тус тус үндэслэн “Хот байгуулалт, барилга захиалагчийн алба” УТҮГ-ын Ерөнхий архитекторын албан тушаалд томилогдох ажилтныг сонгон шалгаруулна.
Байгууллагын стратеги төлөвлөгөө, зорилго зорилтыг хэрэгжүүлж чадах боловсрол, мэдлэг, туршлага, ур чадвар, ёс зүй, сахилга хариуцлагын шаардлага хангах иргэнийг олон нийтэд нээлттэй сонгон шалгаруулж, дүгнэлтийг аймгийн Засаг даргад танилцуулан шийдвэрлүүлнэ.

Хоёр. Нэр дэвшигчид тавигдах шаардлага:
Зарлагдаж буй сул орон тоонд байгууллагын дүрэм болон албан тушаалын тодорхойлолтод тусгагдсан албан тушаалын зорилго, зорилт, чиг үүргийг хэрэгжүүлэхэд тавигдах дор дурдсан тусгай шаардлагыг хангасан иргэнийг бүртгэнэ.

Гурав. Бүрдүүлэх материал:

1.   Төрийн албан хаагчийн анкет
2.     Боловсролын түвшинг тодорхойлсон баримт бичиг /диплом/, хэрэв гадаад улсад их, дээд, сургууль төгссөн бол боловсролын баримт бичгийн баталгаат орчуулга болон бусад сургалт, семинарт хамрагдсан гэрчилгээ, сертификатын хуулбар.
3.   Иргэний үнэмлэхийн хуулбар.
4. Ажил байдлын тодорхойлолт /өөрийн хийж гүйцэтгэсэн ажлын талаарх дэлгэрэнгүй мэдээлэл/
5. Нийгмийн даатгалын шимтгэл төлөлтийн талаарх тодорхойлолт /e-mongolia-с татан авах/
6.    4х3-ийн хэмжээтэй 2 хувь цээж зураг
7.    Иргэний эрүүгийн хариуцлага хүлээж байсан эсэх тухай тодорхойлолт /e-mongolia-с татан авах/
8.    Тухайн албан тушаалд томилогдох хүсэлт
9.   Өөрийн мэдлэг, ур чадвараа илэрхийлсэн өргөдөл

Дөрөв. Сонгон шалгаруулах үе шат:

1.   Баримт бичгийн бүрдлийг хянах
2.  Тестийн шалгалт
3.  Ярилцлагын шалгалт
4.    Сонгон шалгаруулалтын дүнг гаргах

Тав. Сонгон шалгаруулалтын материал хүлээн авах хугацаа, хэлбэр:

Сонгон шалгаруулалтад оролцох иргэний материалыг 2025 оны 05 дугаар сарын 15-ны өдрөөс 06 дугаар сарын 15-ны өдрийн 17.00 цаг хүртэл Орхон аймаг, Нутгийн удирдлагын ордон, Хөгжлийн бодлого төлөвлөлт, хөрөнгө оруулалтын хэлтсийн  302 тоотод хүлээн авна. /Материалыг битүүмжлэн ирүүлсэн байхыг анхаарна уу/

Анхаарах зүйлс:

• Сонгон шалгаруулалтад оролцох хүсэлт ирүүлсэн иргэдийн материалын бүрдэл дутуу тохиолдолд сонгон шалгаруулалтаас хасна.
• Хугацаа хоцорсон материалыг хүлээн авахгүй.
• Сонгон шалгаруулалтад ирүүлсэн материалыг буцаан олгохгүй болно.
• Шаардлагатай тохиолдолд нэмэлт тодруулга авч болно.
• Ирүүлсэн материалтай танилцан, зөвхөн сонгон шалгаруулалтын шаардлага хангасан  нэр дэвшигчдээс сорилын шалгалт авч, тэнцсэн иргэнтэй холбоо барьж ярилцлагад урина. /Жич:
• Нэмэлт мэдээллийг 70355933, 99903533 дугаарын утаснаас авна уу.